friends this is my story of B.Tech. in some lines ...enjoy it

MY STORY.....

saal tha 2006 JEE ka tag tha maine paaya

itna hua khush ki phoole na samaaya

trical ke the sapne aur ceramic me admission ho aaya

man hi man do chaar tasalli ke geet gungunaya

luggage kiya pack aur IT_BHU chala aaya

aate hi ghar ki yaad ne khoob sataya

logon ne ragging ke kisson se khoob daraya

par kadam rakhte hi BHU me sab kuchh cool paaya

pahli class karne ka waqt aaya

subah saat baje ka alarm lagaya

uthte hi pressure ban aaya

baathroom gaya to wahan lambi line paaya

class hui shuru physics ka prof. Rajendra parasad aaya

aate hi classical mechanics me kuchh pulley constraint samjhaya

branch change ke sapno ka piatara tha man me samaya

par 1st sem ke grades dekhte hi saara bukhaar utar aaya

branch ka "JUST B COOL" hone ka phanda samajh me aaya

roomie ne bhi gaming ka chaska lagwaaya

ghar waalon se "C" padhne ka bahana banaya

aur turant desktop khareed laaya

har waqt bas computer me goliyaan chalaya

chaar saal gaye beet placement ka time ho aaya

ab to dimaagh tension se bhar aaya

CV me kya likhoon ki chaar saal bas masti me gawaya

khair pahli company me appear hone ka call ho aaya

gaya interview me , interviewer ka bhi maatha chakraaya

bola bhai tune chaar saal kya maraya

meri ghalti ki maine interview ke liye tujhe bulaya

udaas man se hostel laut aaya

ab to chaar saal gawaane par khoob pachhtaya

khud ko sheeshe me dekh ghurraya

cig. ke dhuon ka khoob chhalla banaya

har din har pal yaad aaya

pareshaan tha ki kyon nahi kuchh kar paaya

dil ko tasalli di ki chhodo sab hai moh maaya

par achanak se class 3rd ka paath yaad aaya

"DHEER TUM BADHE CHALO VEER TUM BADHE CHALO"

man hi man duhraya aur HOPE ka bridge phir banaya

kuchh aur din beete aur job ka sapna bhi poora ho aaya

job offer paate hi sab kuchh bhulaya

no. ghumaya aur sabko job ki khushkhabri de sunaya

itni hui GPL ki do dino tak TASHREEF na rakh paaya

shuru kar di wahi mauj masti wahi gaming ki kaaya

sab kuchh phir pahle sa ho aaya

aa gaya END SEM chalo ye formality bhi poori kar aaya

ab yahan se jaane ka waqt kareeb aaya

socha yaar branch ne itna COOL kyon banaya?

bed par padte hi ek sapna aaya

shuru hui job kaam ke bojh ne dabaya

work pressure me kuchh kuchh bakbakaya

par achanak se kisi ne jagaya

zor ka jhatka dheere se lagaya

aisa laga GOD se interaction ho aaya

bola chal uth abhi time hai baaki abhi to offer letter bhi nahi aaya

maine aankhen kholi khud ko hostel me paaya

ye dekhte hi mand mand muskuraya

ki chalo do- chaar din aur baaki hai masti ka saaya