My childhood memories

ek samay tha jab mai chhota tha
tab raat bekhabar sota tha
sapne hote the shakkar se
gud se bhi meetha rota tha
na khabar thi mujhko duniya ki
na jhooth se hi koi naata tha
aankhen bhi itni sachchi thi
ki achchha har ek dikhta tha
jab khela karta galiyon me
gilli-danda tab seekha tha
lattu tha nachaata haathon me
aur patang ki dor bhi kheencha tha
khela karte jab kho-kho the
sarpat mai bhaaga karta tha
uth-ta tha subah mai tadke se
chidiyon ki chahak me khota tha
mutthi bhar chaawal le ja kar
khaane ko unko deta tha
paana-khona na hota tha
us pal me hi bas jeeta tha
jab mummy daanta karti thi
aankhon ko mal ke rota tha
hote the padosi apno se
ghar apna woh bhi hota tha
aata tha jab tyohar naya
naye kapde dekh chahakta tha
milta tha rupaya ek jahan
khush toffi le kar hota tha

ek samay aya jab bada hua
apne pairon pe khada hua
ab neend ud chuki aankhon se
dikh gaya hai duniya ka toofaa..n
kho gaya hoon mai bhi toofa...n me
na dard raha ab koi bhi
chup dekh raha mai registaa...n
jannat hai nahi ab aankhon me.

SMS ki maya

intern ka tha din pahla mentor se mil kar aaya
enter kartre hi woh muskuraya mujhe apna visiting card thamaya
diya apna blackberry aur mujhse mera no. usme feed karwaya
boring lecture ki tarah usne mujhe project samjhaya
aya DCS cabin me bagal waale ko dekh muskuraya
tabhi peon ne filon ka dher mere table par tapkaya
files kholi hi thi ki mentor ka sms aaya
'read the files carefully' aur last me :) smiley tha banaya
mai hua shocked bagal waale se poochha ye kya hai bhaya
no email only sms, mentor ne internet nahi lagwaya?
woh bola are nahi mentor ne internet ka paisa hai bachaya
unlimited free sms pack jo hai dalwaya
sms bhej bhej kar yahan sabka sar hai usne khaya
tabhi mentor ka sms joke aaya jo samajh kisi ko na aaya
mentor tha sardar aur sard-jokes ne tha use sataya
isiliye us par bhi jokes bhejne ka bhoot tha chhaya
aaye itne sms ki memory card full hone ko aaya
deletion process ne bhi mobile ka band bajaya
atak atak kar usne bhi apni marmic gatha sunaya
sagem kya nokia kya battery ki samapt ho jaye is tarah maaya
wah re insaan teri maya mobile to theek ye sms kahen banaya
ab mera matha garmaya mentor ko sabak sikhane ka vichaar aaya
maine bhi unlimited free sms pack dalwaya
8-8 page ka sms bhej mentor ko khoob sataya
turant hi usne sms pack deactivate karaya
aur office me "SMS PRAYOG NISHEDH" ka board lagwaya
bola ki oopar se mujhe aadesh hai aaya
ye sun kar mai chain ki saans le paaya
dhanya ho sms maharaj akhir sms ne hi sms ko haraya

mera Desh

hum bhi khaye tum bhi khao
aao sab mil- jul kar khaye.
adhikari ya neta ho chahe shikchha deta ho
bhar bhar khate hain ye sab
jaise pet nahi gubbara ho

iski chheeno uski chheeno
chheen ke 2-2 bangle lelo.
rishwat hai bhagya ki rekha
ye sab hi bachpan se dekha.

swiss bank me account banana hai
globalisation jo badhana hai
paper to leak karana hai
literacy rate jo badhana hai.

jansankhya ka rela hai
bhrashtachaar ka mela hai
ghuse pade sab bheed me
bhara hua har thela hai.

rishton ki dor nahi dikhti
paise ne sabko leela hai
aankhon se ashru nahi dikhte
har chehra dekho peela hai.

janta bhi dekho pagal hai
in sabka screw dheela hai
aankhen to kabhi nahi kholi
bas aise hi inhe jeena hai.


dharm aur jaati par lado maro
suna har ghar ka zeena hai
choos lo utna chahe jitna
ye desh nahi pepsi-cola hai

baant-baant sab lelo isko
ye to poodi-chhola hai.

chhodo tum is pachde ko
ye ek bada jhamela hai
sapno se aankhen khol ke dekho
baitha ek naya savera hai.

pata nahi 2020 ka par
naya beej tumhe hi bona hai.

fauji

ghar aane ko jee chahe ab yaad tumhari aati hai
karwat le raatein kat-ti hain aur din bhi yoon hi dhalta hai
colonel se kitni baar kaha par chhutti na mil paati hai
har baar mai koshish karta hoon par jung nahi ruk paati hai
hai chahoon or bas barf hi barf murat si teri dikhti hai
ye parvat bhi hai dost mera maine bola ghar mere tu jhaank zara
bola mujhse tu dikhti hai mere intezaar me lagti hai
sarhad par jab bhi goli chalti tu chaunk ke ghabra jaati hai
chinta tu bilkul kiya na kar haathon me mere bhi gun hai
goli to chhoti lagti hai use jhel jaaun itna dum hai
bomb se bhi ab kya darna hai ab ye bhi hua khilona hai
kal thi meri bandook tani dushman ka seena tha us par
abhi triger tha na mai daba saka. bola woh mujhse maaf kar
abhi bachche mere chhote hain patni bhi rahein takti hai
teri yaad ne mujhe jhanjhod diya tab maine usko chhod diya.
tha dhokha usne diya mujhe gun poori mujh par jhonk diya.
ye saanse meri hain antim tujhse vidaai ab leta hoon
afsos nahi hai marne ka bas tujhse na mil pane ka gham hai

AAH

chithde me dekha tan lipta
haathon me dekha thela tha
pairon me jaan nahi uski
jee-jeen se use dhakela tha.
pyaas lagi to bhaaga aaya
ghar ke bahar nalka paaya
nal ki usne kholi toti
jal ki thi ek boond na tapki.
tha raha kanth ab uska sookh
chipki aanton me dikh padi thi bhookh.
ghar par tab usne dastakh di
bola Maai thoda paani de
garmi ki tapt dopahri thi
sannata har or tha
Maai jab jhaanki khidki se
ye laga use woh chor tha.
Maai boli re kaun hai tu
bola Maai mazdoor hoon
pyaas se majboor hoon
Maai boli chal kat le tu
mujhe nahi pilana paani hai
aankhon me chor dikhe tere
huliya tera shaitaani hai.
nainon se ashru tapak pade uske
ja baitha ped ki chhaon me
aankh khuli to din dhal aaya
maalik us par khoob chillaaya
nahi mili us din ki dihadi
khaali haath gumsum laut aaya.
ghar par the bachche bhookhe
pita ki raah woh the takte.
ghar pahuncha to patni boli khaali haath ho laute ji
bola ab kya bataaon mai aaya na haath kuchh aaj bhi
nanha bachcha tuk-tuk sunta
bola papa mujhko na bhookh lagi
parson to roti khayi thi
rakh lenge vrat sab aaj bhi
so jayenge sab aise hi

ravivaar ki raat

dedicated to drinkers- by sip

ravivar ki raat thi
woh bhi mere saath thi
door door tak tha sannata
jheengur ki awaz thi
pade hue the dono bed par
saanso ki bas bhaap thi
mai bhi chup tha woh bhi chup thi
kuchh kahne ki himmat khaak thi
chhua maine jaise hi usko
hone lagi barsaat thi
doob gaya us sheetal jal me
mahak uthi meri naak thi
baahon me jab jackda usko
height nahi kuchh khaas thi
aankh khol kar dekha to
woh nahi beer ki botal pass thi